Moitos pensaredes que a Ribeira Sacra é a mellor opción e non vos negamos a beleza deste recuncho da nosa rexión. A Ribeira Sacra ben merece unha visita á que dedicar incluso unha fin de semana enteira. Con todo, aínda que vos poida parecer que xeograficamente vos achegades a Madrid, chegar ata alí desde Ourense son 25 minutos aproximadamente, e para entrar no interior da Ribeira Sacra, é necesario utilizar as estradas autonómicas e locais (estreitas e con curvas pola orografía do terreo) polo que o tempo pode incrementarse.
Propoñémosvos outras alternativas se o que queredes é ir acurtando camiño cara a Madrid:
Pontevedra
Pontevedra é unha cidade cunha zona vella impresionante, con moita vida nas prazas para tomar un viño e unhas tapas. Perdervos pola Praza da Leña, a Praza da Verdura ou a Praza do Teucro…. Pola noite é moi agradable.
Ribadavia e ou Ribeiro
Na provincia de Ourense, á beira de A52 (camiño de Madrid) hai varias termas. En concreto, noutra zona vinícola galega ou RIBEIRO, á beira da vila medieval RIBADAVIA (antes de Ourense) están as termas do Prexigueiro (o acceso é contorna a 6 euros/ pax) e permite gozar de auga hipertermal, choques térmicos… á beira do Río Miño.
Un bar moi peculiar en Ribadavia, e no que se gravou a película A ESMORGA, da novela de Eduardo Branco Amor, é o BABUXA.
Allariz
Outro pobo para visitar, xa pasada a cidade de Ourense, tamén á beira da A52, cuns paseos fluviais moi frondosos, é Allariz. Para tomar algo, O PEPIÑO.
Quereredes regresar a Galicia canto antes!! 🙂